Ելնելով՝
Հայաստանի Հանրապետության առաջ ծառացած
- Անվտանգային,
- Ներքաղաքական,
- մեր պետականության դեմ
վտանգավոր մարտահրավերներից,
Ինչպես նաև
- Հայաստանի Հանրապետությունը սատելիտ պետություն դարձնելու,
- Հայ Առաքելական եկեղեցու կառույցները կազմաքանդելու,
- ՀՀ քաղաքացիներին զանգվածաբար մոլորեցնելու և պառակտելու
ՀՀ իշխանությունների վարած արտաքին և ներքին քաղաքականության իրողությունից,
Նպատակ ունենալով.
- Վերականգնել Հայասատնի Հանրապետության իրական ինքնիշխանությունը,
- Հայաստանը կրկին դարձնել աշխարհաքաղաքական-տարածաշրջանային գործոն,
- Ներգրավել տարածաշրջանային խաղաղության իրական երաշխավորներ
«Հայոց համազգային միասնություն» կուսակցությունը
ՀԱՅՏԱՐԱՐՈՒՄ Է
- Պատրաստակամ է աջակցել և ակտիվ մասնակցություն ունենալ պետության դեմ ծառացած մարտահրավերներին դիմակայելու նախաձեռնություններին ու ծրագրերին,
- Բաց է հասարակական-քաղաքական միավորումների, ինչպես նաև անհատների հետ բոլոր տեսակի համագործակցության համար,
Մասնավորապես՝
- ՀՀՄ կուսակցությունը ողջունում է ՀԱԿ կուսակցության Հայաստան-Իրան երկաթուղու կառուցման ծրագիրը,
- Պատրաստ է աջակցել ծրագրի իրականացմանը և համագործակցել ծրագրի իրականացման համար շահագրգիռ հասարակական-քաղաքական միավորումների, ինչպես նաև անհատ մասնագետների հետ։
Ավելին.
- Ս/թ դեկտեմբերի 15-ին կայացած ՀՀՄ կուսակցության Գործադիր Մարմնի նիստում որոշվել է Հայաստան-Իրան երկաթուղու կառուցման ծրագրին զուգահեռ երկաթուղու կենտոնական հանգույց Կապան քաղաքում կառուցել Մշակութա-էթնիկ-կրոնական մեգա կենտրոն (ՄԷԿ)։
- Ծրագիրն իրագործելու հստակ երաշխիքներ ունենալու նպատակով, նույն նիստում ՀՀՄ կուսակցության նախագահ Միհրան Պողոսյանն անձամբ է ստանձնել ներգրավելու Չինաստանի, Հնդկաստանի, Իրանի, Վրաստանի, Ռուսաստանի, ինչպես նաև Արաբական աշխարհի շահագրգիռ երկրների քաղաքական և կոմերցիոն էլիտաներին՝ փոխշահավետության պայմաններով։
15 դեկտեմբեր 2025 թ. Երևան
|
