ԲԱՆԱՁԵՎԸ
21 փետրվար, 2026 թվական, քաղաք Երևան
Հայոց Համազգային միասնություն կուսակցության 3-րդ համագումարը Հայաստանի Հանրապետության առաջնային մարտահրավերները համարում է.
- Հայաստանի Հանրապետության ինքնիշխանության սահմանափակումները,
- 4-րդ հանրապետության անվան տակ Հայաստանը ենթակա պետություն դարձնելու ծրագիրը,
- Անվտանգության և խաղաղության երաշխիքների բացակայությունը,
- Հայ Առաքելական Սուրբ եկեղեցու կազմաքանդմանն ուղղված գործողությունները,
- Արցախահայության տարալուծումը,
Ինչպես նաև՝
- Արդարադատության ինստիտուտը կամայականության ենթարկելը,
- Քաղբանտարկյալների առկայությունն ու քաղաքական հետապնդումները,
- Ուժային կառույցները մեկ անձի թիկնազորի վերածելը,
- Հասարակությանը զանգվածային մոլորության մեջ պահելու պաշտոնական քարոզը,
- Խոսքի ազատության սահմանափակումները,
- Պետական բյուջեի կամայական վատնումն ու պետպարտքի կրկնապատկումը,
և այլն։
ՀՀՄ 3-րդ Համագումարը, համարելով, որ Հայաստանի Հանրապետության դեմ վերոնշյալ մարտահրավերները դարձել են գոյաբանական խնդիր, հավաստում է իր անմնացորդ նվիրվածությունն ու հաստատակամությունը մարտահրավերներին դիակայելու գործում և հայտարարում է.
- Համարելով, որ Հայաստանի Հանրապետության դեմ վերջին տարիներին ծագած նոր մարտահրավերները, ինչպես նաև տարծքային և մարդկային կորուստները, առայսօր հայ գերիների առկայությունը Բաքվի բանտերում և մնացյալ աղետներն ու մեր պետության վրա կախված սպառնալիքները պայմանավորված են բացառապես մեկ անձի վարած և ներքին, և արտաքին քաղաքականությամբ, և այդ մեկ անձի անունն է Նիկոլ Փաշինյան, ուստի բոլոր խնդիրների միասնական լուծումը տեսնում է նրա վերարտադրության կանխումը Ազգային Ժողովի առաջիկա ընտրությունների միջոցով։
- բոլոր քաղաքական ուժերին կոչ է անում Ազգային Ժողովի առաջիկա ընտրություններին մասնակցել «Կոնսենսուս մինուս մեկ» հաղթողական ձևաչափով՝ բացառելու օրվա իշխանությունների վերարտադրությունը։
- ՀՀՄ կուսակցությունը պատրաստ է «Կոնսենսուս մինուս մեկ» ձևաչափի շրջանակներում առանց խտրականության համագործակցել բոլոր քաղաքական ուժերի և կազմակերպությունների հետ։
- Հայաստանի Հանրապետության ինքինշխանության, անվտանգության և խաղաղության իրական երաշխիքներ ապահովելու նպատակով, նաև՝ հավատարիմ մնալով 2025 թ. դեկտեմբերի 15-ի իր հայտարարության դրույթներին, ՀՀՄ կուսակցությունը վերահաստատում է, որ մեր տարածաշրջանը միաբևեռ՝ ոչ բարեկամ երկրների ազդեցությունները հակակշռելու և կամ հավասարակշռելու իրատեսական նախագիծը Չինանստանի, Հնդկաստանի, Իրանի, Ռուսաստանի և այլ շահագրգիռ երկրների ներգրավվածությունն է Հայաստան-Իրան երկաթգծի կառուցման նախագծում։
Հայոց Համազգային միասնություն կուսակցության 3-րդ համագումարը կոչ է անում ընտրական գործընթացին զուգահեռ ձևավորել համաժողովրդական շարժում, քանզի պետության առջև ծառացած մարտահրավերները հաղթահարվում և նպատակներն իրագործվում են միայն Հայոց Համազգային միասնությամբ։
Ռեպորտաժ ՀՀՄ 3-րդ համագումարից
|
