11:33 ՀՀՄ ԳՄ անդամ Արմեն Գևորգյանի ելույթը ՀՀՄ 3-րդ համագումարում | |
|
Մեծարգո նախագահ, հարգարժան նախագահող, հարգելի պատվիրակներ, պատվարժան հյուրեր, սիրելի հայրենակիցներ Շնորհակալություն այս պատվավոր միջոցառմանը խոսելու իրավունք ընձեռնելու համար։ Ձեզ մո՞տ էլ է այն տպավորությունը, թե 2018 թվականից Հայաստանի հոգեբույժները գործադուլի մեջ են։ Հակառակ դեպքում ինչպե՞ս գնահատել, որ.
Սա է գժանոցը, բարեկամներ։ 30 տարի բանակցում և 30 տարի խաղաղ ապրում էինք երկու հայկական պետություններում։ Բայց եկավ մի պատուհաս և որոշեց դուրս գալ բանակցություններից։ Ի՞նչ է նշանակում բանակցություններից դուրս գալը։ Դա նշանակումէ, որ դադարում է Հրադադարի պայամանը՝ այս դեպքում՝ 1994 թվականից գործողության մեջ մտած պայմանը։ Եթե այլևս հրադադարի պայմանը չի գործում, բնականաբար անխուսափելի են դառնում պատերազմական գործողությունները։ 2018 թվականին այս ամենը հստակ գիտակցել է իշխանության եկածը։ Այն, որ ասում ենք պատերազմը նա է հրահրել, հենց սա նկատի ունենք։ Որքան «կռուտիտներ» էլ անեն, միևնույն է՝ իրողությունը մնում է իրողություն։ Թե ինչո՞ւ եմ այսպիսի պատվավոր միջոցառմանը գործածում «կռուտիտ» բառը, կմեկնաբանեմ քիչ անց։ Բարեկամներ, պատերազմի հրահրումը մեծագույն հանցագործություն էր Հայաստանի ու Արցախի քաղաքացիների նկատմամբ։ Ասեմ ինչու է հանցագործություն։ Երկու ամիս առաջ, Հայաստանի իշխանությունը՝ ընդդիմության 4-ամյա ճնշման ներքո ի վերջո ստիպված եղավ հրապարակել 2018-19 թվականներին բանակցությունների սեղանին դրված խաղաղության փաստաթուղթը։ Այդպիսով հաստատվեց, որ 2019 թվականին Մինսկի խմբի կողմից Հայաստանի իշխանություններին է ներկայացվել Խաղաղության ծրագիր։ Սա նշանակում է, որ ներկայացված Խաղաղության ծրագիրը Ամերիկան, Ֆրանսիան և Ռուսաստանը իրար հետ նախապես համաձայնեցրել են։ Սակայն, Հայաստանի իշխանության ղեկին հայնված անձը Խաղաղության այդ ծրագիրը թաքցրել է մեր ժողովրդից։ Եթե հիշում եք, այդ ժամանակ նա հայտարարում էր, որ ոչ մի բանակցվող փաստաթուղթ էլ չկա։ Եվ միայն 2021 թվականին Մինսկի խմբի նախկին համանախագահներից Պոպովի՝ Ռուսաստանի Դաշնության Արտգործնախարարության կայքում հրապարակած հոդվածից իմացվեց, որ 2019 թվականին քննարկվող փաստաթուղթ իսկապես եղել է։ Հարգելի ներկաներ, այս իշխանության մեծագույն հանցագործությունը ոչ միայն այդ փաստաթղթի գոյությունը ժողովրդից թաքցնելն է, այլև՝ Խաղաղության առաջարկվող ծրագրի մերժումն է, ինչի հետևանքով ստացել ենք պատերազմ, մարդկային, տարածքային, ռազմական, նյութական ահռելի կորուստներ, Արցախի բռնի հայաթափում։ Այնինչ, Խաղաղության այդ ծրագիրը ստորագրելու դեպքում, ամբողջ Արցախը՝ Լաչինի և Քելբաջառի շրջանների հետ միասին, տասնյակ տարիներով մնալու էին հայկական վերահսկողության ներքո։ Հակամարտող կողմերի զորքերն էլ կիլոմետրերով հետ էին քաշվելու դեպի իրենց թիկունք։
Ահա այս ծրագիրն է մերժել Հայաստանի ղեկին հայտնվածը։
Հայրենակիցներ, հենց սա է իշխանությունը երկարաձգելու սրանց գլխավոր մոտիվացիան։ Որովհետև այստեղ՝ մեր երկրում իշխանությունը կորցնելուց հետո նրանք հայտնվելու են Հայաստանի Հանրապետության դատարանում և ոչ թե Բաքվի։ Հիմա նրանք ծառայում են այն օտար ուժերին, որոնք չեն դատելու սրանց։ Սա էլ նրանց այսօրվա վարած հակահայկական քաղաքականության մոտիվացիան է։ Նույնիսկ ավելորդ եմ համարում ասել, թե ինչպես պետք է քվեարկել առաջիկա ընտրություններին։ Եկեղեցու մասին։ Ինչու է Հայ Առաքելական Սուրբ Եկեղեցին անջատ պետությունից։ Գիտեք՝ օրենքով է անջատ։ Սահմանադրությամբ է անջատ։ Դա առաջին հերթին նշանակում է, որ Հայաստանը աշխարհիկ պետություն է։ Այսինքն՝ կրոնապետություն չէ, ինչպես Իրանի Իսլամական Հանրապետությունը։ Բայց ինչու է այսօր, որպես կառույց, թիրախավորված հատկապես թշնամի պետությունների, նաև այս իշախնությունների կողմից։ Որովհետև, սիրելի հայրենակիցներ, եթե պետությունը վերանա, ինչպես դա եղել է մեր պատմության շուրջ 600 տարիների ընթացքում, այս կառույցն է՝ Եկեղեցին է ողջ հայությանը համախմբած պահելու մինչև նոր պետություն ստեղծումը։ Ուստի, Եկեղեցու թիրախավորումն անմիջականորեն ուղղված է պետության կազմալուծմանը, ինչի ականատեսն ենք 2018 թվականից։ Հիշեցնեմ, որ ավելորդ եմ համարում ասել, թե ինչպես պետք է քվեարկել առաջիկա ընտրություններին։ «Կռուտիտի» մասին։ Եվ այսպես, ինչո՞ւ այս պատվավոր դահլիճում «կռուտիտ» բառն օգտագործեցի։
Ի՞նչ են իրենցից ներկայացնում 2018 թվականից առայսօր ընթացող հասարակությունը պառակտող գործընթացները։ Իրականում տեղի է ունենում մոլորյալների հավաքագրում։ «Կրթությունը նորաձև է» շարժումը վկա։ Բայց խնդիրն այստեղ մի քիչ այլ է. սրանք իրենց լրատվական ռեսուրսներով՝ հասանելի են առնվազն մեր բնակչության 80 տոկոսին՝ մոտ 2 միլիոն մարդու։ Թվեմ ռեսուրսները. դրանք են.
Դե տղա եք, այս խառնաշփոթում գտեք ճշմարտությունը։ Այսպես են հասարակությանը զանգվածաբար մոլորեցնում։ Նորից կրկնեմ, որ ավելորդ եմ համարում ասել, թե ինչպես պետք է քվեարկել առաջիկա ընտրություններին։ Հարգելի ներկաներ, ասելիքս համեմատ ելույթի համար նախագահությունից խնդրել էի շատ քիչ ժամանակ, ընդամենը 3 ժամ, բայց կուսակցության Գործադիր մարմինը ձեր առողջության մասին մտահոգվելով՝ տրամադրեց 10 րոպե, ինչի համար ինքս էլ եմ շնորհակալ եմ՝ չասվածը թողնելով հետագա ելույթներին կամ հարցազրույցներին։ Շնորհակալ եմ ինձ դիմանալու համար, շնորհակալ եմ ինձ խոսք տրամադրելու համար, շնորհակալ եմ մեր առաջնորդ Միհրան Պողոսյանին՝ դրսևորվելու և գործելու հնարավորություն ընձեռնելու համար։ Այսօր այսքանը։ | |
|
| |
| Մեկնաբանություն ընդամենը՝: 0 | |