Հայոց բանակը մեր միասնականության խորհրդանիշն է
 Այսօր Հայոց բանակի կազմավորման 34-րդ տարեդարձն է:
Հայաստանի Հանրապետության Զիված ուժերը եղել և մնում են մեր անվտանգության թիվ մեկ երաշխավորը։ Աներկբա է` Հայոց բանակը, ունենալով փառապանծ ուղի, վերականգնելու է իր երբեմնի հզորությունը։
Եվ այս առումով վճռորոշ նշանակություն են ունենալու առաջիկա Ազգային ժողովի ընտրությունները։ Դրանց արդյունքներից է կախված լինելու մեր պետության անվտանգ ապագան։
«Հայոց համազգային միասնություն» կուսակցությունը, կարևորելով բանակի առանցքային դերակատարումը մեր պետականության ամրապնդման և արժանապատիվ խաղաղության հասնելու գործում` շնորհավորում է Հայաստանի Հանրապետության Զինված ուժերի նվիրյալներին և զինծառայողներին։
Հավատացած ենք` Հայոց բանակն իր խոսքը դեռ ասելու է։ Խոնարհվում ենք Հայաստանի և Արցախի համար նահատակված մեր հայորդիների առջև, վստահ լինելով, որ Հայոց բանակի փառքի ուղին անբեկանելի է։
Հայոց բանակը բոլորինս է. այն մեր միասնականության խորհրդանիշն է։
Ուժը միասնության մեջ է։
Փառք ու պատիվ Հայոց բանակին։
| 