ճանապարհում ենք մարտահրավերներով, փորձություններով ու կարևոր իրադարձություններով լի 2025թ.-ը:
Անցնող տարին ամրագրեց մեր ինքնության պահպանման և ազգային արժանապատվության վերականգման համար տարվող պայքարի անբեկանելիությունը:
Արտաքին և ներքին չդադարող ճնշումները, բռնատիրական ռեժիմին բնորոշ իրողությունները միայն ամրագրեցին միասնականության գաղափարի առաջնայնությունը:
Անցնող տարին նաև «Հայոց համազգային միասնություն» կուսակցության հիմնարար սկզբունքի կարևորության ապացույցն էր՝ համայն հայության միասնականությունը մեր պետականության պահպանման գրավականն է։
Մենք հավատացած ենք՝ հավաքական կամքն ու ազգային արժանապատվությունը կորսված չեն, իսկ Արցախի էջը փակված չէ։
Սիրելի հայրենակիցներ, գալիք տարին բեկումնային է լինելու:
Այն պետք է դառնա պետականության խարխլված հիմքերը վերականգնելու, արցախայահության և անվտանգային հարցերը լուծելու մեկնարկի տարի:
Միակ ճանապարհը միասնականությունն է, և հավատացած եմ՝ այն լինելու է։
Գալիք տարում մաղթում եմ բոլորիս համառ աշխատանք և անկոտրում կամք՝ վերականգնելու մեր ազգային արժանապատվությունն ու Հայաստան-Արցախ-Սփյուռք եռամիասնությունը։
2026 թ․-ը պետք է ազդարարի անվտանգ և արժանապատիվ պետություն ունենալու սկիզբը։ Դրան այլընտրանք չկա։
Սիրելի ԱՐՑԱԽՑԻՆԵՐ, այս դժվարին ժամանակներում ձեր վճռականությունը պետք է կրկնապատկվի։
Արդարության և արժանապատվության վերականգնման պայքարը համայն հայությանն է, ու թող մեր միասնականությունը նոր ուժ ու եռանդ ստանա հանուն Հայրենիքի անվտանգության և մեր ապագայի։
«Հայոց համազգային միասնություն» կուսակցության նախագահ Միհրան Պողոսյան
